Rheolwr Cynllunio'r Rhwydwaith Bysiau | Bus Network Planning Manager

Bydd y Rheolwr Cynllunio Rhwydwaith Bysiau yn darparu cymorth ac arweiniad wrth ddatblygu, dylunio a symud rhwydwaith bysiau Cymru trwy weithio gyda phartneriaid yn y sector cyhoeddus a phreifat i ddarparu rhwydweithiau bysiau gwell ledled Cymru fel rhan o'r symudiad tuag at rwydwaith bysiau masnachfraint.

• Adolygu a datblygu amserlenni bysiau presennol o bob cwr o Gymru drwy ddefnyddio data galw a phrydlondeb, ynghyd â blaenoriaethau lleol a rhanbarthol i gefnogi cyfrifoldebau masnachfreinio bysiau Trafnidiaeth Cymru (TrC)
• Datblygu a dylunio amrywiaeth o brosiectau rhwydwaith sy’n ymwneud â’r bont i rwydweithiau masnachfraint a rhwydweithiau masnachfraint yn y dyfodol drwy reoli prosiectau i gefnogi Awdurdodau Lleol i ddatblygu eu rhwydweithiau bysiau lleol drwy gyngor arbenigol a sgiliau cynllunio rhwydwaith.
• Rheoli ac arwain timau prosiectau drwy gydweithio â chydweithwyr mewnol, contractwyr allanol, rhanddeiliaid a'r gadwyn gyflenwi i sicrhau bod y prosiectau’n cyflawni canlyniadau.
• Adnabod a monitro risgiau i’r prosiect a all effeithio ar Trafnidiaeth Cymru (TrC), gan gynnwys rhai sy’n ymwneud â chyllid, enw da, ansawdd, yr amgylchedd ac iechyd a diogelwch, gan gydweithio â’r gweithwyr risg proffesiynol priodol yn TrC a rheoli’r gofrestr risgiau i sicrhau bod TrC yn gallu gweithredu mesurau lliniaru effeithiol.

• Gradd berthnasol megis Busnes, Cynllunio, Peirianneg (neu debyg) neu brofiad cyfatebol.
• Yn meddu ar gymhwyster rheoli prosiect neu’n gweithio tuag at hynny, ee APM, PRINCE 2 neu debyg.
• Profiad blaenorol fel Cynllunydd Trafnidiaeth, Peiriannydd Rhwydwaith Trafnidiaeth neu rôl mewn gweithredu bysiau / cwmni trafnidiaeth / adran drafnidiaeth awdurdod lleol.
• Dealltwriaeth o’r sector bysiau, gan gynnwys; gweithrediadau, cyllid a fframweithiau cyfreithiol.

Er nad yw sgiliau Cymraeg yn hanfodol ar gyfer y swydd hon, byddent yn ychwanegiad gwych at eich cais.

Mae TrC yn cefnogi unrhyw un sydd eisiau dysgu Cymraeg neu wella ei sgiliau. Rydyn ni’n cynnig cyfleoedd dysgu ar-lein, cyrsiau ystafell ddosbarth, a chyllid i fynd ar gyrsiau yn y gymuned leol.

Rydyn ni’n newid y ffordd y mae’r diwydiant trafnidiaeth yn edrych. Drwy ddathlu a chroesawu gwahaniaethau, rydyn ni’n datblygu gweithlu sy’n cynrychioli Cymru. Mae angen i ni gael pobl ddawnus o bob cefndir a diwylliant i ddod i rannu eu safbwyntiau a’u profiadau. Mae timau amrywiol yn gwneud penderfyniadau gwell ac yn sbarduno arloesedd. Ymunwch â ni i drawsnewid y ffordd y mae Cymru’n teithio.

Mae Trafidiaeth Cymru yn newid y ffordd y mae Cymru’n teithio, gan sicrhau mai trafnidiaeth gynaliadwy yw’r dewis cyntaf. Rydyn ni’n datblygu rhwydwaith trafnidiaeth integredig aml-ddull o’r enw Rhwydwaith T, i’w gwneud hi’n haws i bobl deithio ar y trên, ar y bws, ar droed, ar olwynion ac ar feic.

Edrychwch ar y Disgrifiad Swydd yn yr atodiad i gael rhagor o fanylion ac i gael gwybod sut mae gwneud cais. Os ydych chi’n awyddus i gael gwybod mwy am ein gwaith yng Nghymru, darllenwch yr Adroddiad Blynyddol.

Rydyn ni’n Arweinydd Hyderus o ran Anabledd. Rhowch wybod i ni am unrhyw addasiadau rhesymol y gallai fod eu hangen arnoch yn y broses recriwtio neu fel rhan o’r swydd os byddwch chi’n llwyddiannus.

Bydd yr hysbyseb hon yn cau am 23:59 ar y dyddiad cau uchod. Fodd bynnag, rydyn ni’n cadw’r hawl i wrthod derbyn mwy o geisiadau ar gyfer y swydd wag os bydd digon wedi dod i law. Felly, cyflwynwch eich cais cyn gynted â phosibl.

Sylwch fod yn rhaid i chi ddal yr hawl barhaol i weithio yn y DU. Nid ydym yn gallu darparu nawdd ar hyn o bryd.**