Teacher – Craig Yr Wylfa Primary School

Mae Llywodraethwyr Ysgol Gymunedol Craig yr Wylfa yn awyddus i benodi unigolyn brwdfrydig, ymroddgar, gofalgar ac ysbrydoledig i swydd athro/athrawes Dysgu Sylfaen. Mae Ysgol Craig yr Wylfa yn ysgol hapus a weithgar wedi ei lleoli ym mhentref Borth, yng ngogledd Sir Ceredigion.

Gwahoddir ceisiadau oddi wrth athrawon blaengar a brwdfrydig sydd â dealltwriaeth a phrofiad addas o addysgu disgyblion oed sylfaen. Rydym yn chwilio am unigolynsy’n dangos ymrwymiad cryf i ddarparu addysg o’r safon uchaf, gan roi anghenion, lles a datblygiad pob plentyn wrth galon y gwaith. Fel ymarferydd proffesiynol, bydd gennych wybodaeth a dealltwriaeth gref o egwyddorion Cwricwlwmi Gymru, a’r gallu i arwain ar feysydd penodol o’r cwricwlwm.

Bydd disgwyl gynllunio a darparu profiadau dysgu cyfoethog, perthnasol a chynhwysol sy’n hyrwyddo cynnydd parhaus ac yn cefnogi datblygiad y pedwar diben.

Byddai’r gallu a’r brwdfrydedd i gyfrannu at gweithgareddau allgyrsiol yn fanteisiol.

Yn Ysgol Craig yr Wylfa cewch gyfle i weithio gyda phlant ymroddgar a charedig, cymuned gefnogol a thîm o staff cydwybodol sydd yn rhoi blaenoriaeth glir ar les disgyblion a chynnal safonau uchel. Mae’r llywodraethwyr a’r Ysgol yn darparu cyfleoedd datblygu proffesiynol gwerthfawr i’r staff, ac yn awyddus i barhau i ddatblygu arweinwyr y dyfodol. Os ydych chi’n angerddol dros addysg a lles myfyrwyr, yn barod i wneud gwahaniaeth gwirioneddol i fywydau plant ac eisiau gweithio mewn ysgol sy’n gwerthfawrogi cydweithredu a chynnydd personol, byddwch yn teimlo’n gartrefol gyda ni.

Mae hwn yn hysbyseb ar gyfer swydd Athro/Athrawes barhaol yn Ysgol Gymunedol Craig yr Wylfa, lle mae rhuglder llafar ac ysgrifenedig yn y Gymraeg a’r Saesneg yn hanfodol.

Noder:
Cedwir yr hawl i ymestyn y dyddiad cau.

Rydym wedi ymrwymoi ddiogelu ac amddiffynplant ac oedolion sydd mewn perygl Fel rhan o’r ymrwymiadhwn,maerhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch.

Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad.

Mae eich preifatrwydd a’ch urddas yn hollbwysig i ni drwy gydol y broses recriwtio.