Teacher – Tal-y-Bont Primary School

Mae Llywodraethwyr Ysgol Gymunedol Tal-y-bont yn awyddus i benodi unigolyn brwdfrydig ac ymroddgar i swydd athro/athrawes Cyfnod Allweddol 2.

Mae Ysgol Tal-y-bont yn ysgol hapus a llwyddiannus wedi ei lleoli ym mhentref Tal-y-bont, yng ngogledd Sir Ceredigion. Fel ymarferydd proffesiynol, bydd gennych wybodaeth a dealltwriaeth gref o egwyddorion Cwricwlwm i Gymru, a’r gallu i arwain ar feysydd penodol o’r cwricwlwm. Byddai’r gallu a’r brwdfrydedd i gyfrannu at weithgareddau allgyrsiol yn fanteisiol.

Mae’r swydd yn 0.6, ac yn ddelfrydol bydd yr ymgeisydd llwyddiannus yn gweithio 5 bore ac 1 prynhawn yr wythnos.

Mae hwn yn hysbyseb ar gyfer swydd Athro/Athrawes yn Ysgol Gymunedol Tal-y-bont, lle mae rhuglder llafar ac ysgrifenedig yn y Gymraeg a’r Saesneg yn hanfodol. Dymunai’r panel cyfweld dderbyn ceisiadau trwy gyfrwng y Gymraeg yn unig, a byddwn yn cynnal y cyfweliadau trwy gyfrwng y Gymraeg.
Os hoffech drefnu ymweliad â’r ysgol neu sgwrs anffurfiol cysylltwch â’r Pennaeth Cynorthwyol Sioned Morris ar s.morri neu .

Noder:
Cedwir yr hawl i ymestyn y dyddiad cau.

Rydym wedi ymrwymoi ddiogelu ac amddiffynplant ac oedolion sydd mewn perygl Fel rhan o’r ymrwymiadhwn,maerhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch.

Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad.

Mae eich preifatrwydd a’ch urddas yn hollbwysig i ni drwy gydol y broses recriwtio.