Cydlynydd Digwyddiadau, Ymgysylltu a Chynadledda Allanol (2526572

Ym Met Caerdydd, rydym yn gymuned gydweithredol lle mae pobl yn dod at ei gilydd i greu cyfleoedd. Rydym yn darparu gweithgareddau cyfathrebu, brandio, marchnata a recriwtio myfyrwyr sy'n sicrhau dull clir a chyson, wedi'i alinio â gwerthoedd, ymddygiadau ac amcanion strategol y Brifysgol. Rydym yn dîm blaengar, arloesol a chreadigol, sydd wedi ymrwymo i ddatblygu ein staff, ac i wneud y mwyaf o effaith popeth a wnawn.

Fel ein Cydlynydd Digwyddiadau, Ymgysylltu a Chynadledda Allanol, byddwch yn chwarae rhan allweddol wrth dyfu ein portffolio o gynadleddau, digwyddiadau corfforaethol a gweithgareddau ymgysylltu allanol. Byddwch yn cydlynu pob cam o daith y digwyddiad, o'r ymholiad cychwynnol hyd at gyflwyniad llwyddiannus, gan ein helpu i adeiladu perthnasoedd parhaol a chreu profiadau eithriadol i'n cleientiaid a'n rhanddeiliaid.

Byddwch yn rhan o dîm perfformiad uchel sy'n cefnogi digwyddiadau mawr ac yn helpu i yrru incwm masnachol ac ymgysylltiad allanol i'r Brifysgol.

• Cydlynu cynadleddau a digwyddiadau o'r ymholiad i'r cyflwyniad
• Rheoli archebion, ymholiadau a chyfathrebu cleientiaid
• Cefnogi cyflwyno digwyddiadau ar y safle a logisteg, gan sicrhau bod canllawiau iechyd a diogelwch yn cael eu dilyn.
• Cyfrannu at weithgaredd cynhadledd sy'n cynhyrchu incwm
• Cynorthwyo gyda marchnata a hyrwyddo gwasanaethau, gan gydymffurfio â Safonau'r Gymraeg
• Casglu ac adolygu adborth cwsmeriaid, gan ddefnyddio mewnwelediadau i wella ein gwasanaethau a phrofiad cwsmeriaid yn barhaus.

Fel rhan o'r swydd hon, byddwch yn treulio o leiaf ddau ddiwrnod yr wythnos yn gweithio ar y campws, gyda diwrnodau wedi'u pennu gan ofynion gweithredol. Bydd disgwyl i chi hefyd weithio'n hyblyg, gan gynnwys nosweithiau a phenwythnosau.

Gyda phrofiad o gynllunio, cydlynu a chyflwyno digwyddiadau a chynadleddau, byddwch yn hyderus wrth reoli blaenoriaethau lluosog wrth sicrhau profiad rhagorol i gleientiaid a rhanddeiliaid. Bydd gennych chi sgiliau cyfathrebu cryf a’r gallu i feithrin perthnasoedd, dull sy'n canolbwyntio ar y cwsmer, a'r gallu i weithio ar y cyd â chydweithwyr a phartneriaid allanol i gyflawni canlyniadau llwyddiannus.

Byddwch hefyd yn rhagweithiol ac yn drefnus, gyda'r creadigrwydd a'r fenter i helpu i hyrwyddo ein gwasanaethau a nodi cyfleoedd newydd.

• Sgiliau gwerthu a marchnata effeithiol, gan gynnwys defnyddio cyfryngau cymdeithasol a llwyfannau ar-lein i hyrwyddo gwasanaethau.
• Dgiliau cyfathrebu ysgrifenedig a llafar rhagorol, gyda'r gallu i drafod yn effeithiol gyda chleientiaid a chydweithwyr i gyflawni canlyniadau cadarnhaol
• Dgiliau trefnu cryf, sylw manwl i fanylion, a'r fenter a'r gwytnwch i gwrdd â dyddiadau cau cystadleuol.

Rydym yn Brifysgol sy'n seiliedig ar werthoedd. Rydym yn falch o'n diwylliant, ac rydym yn cefnogi ein staff. Ein hysbryd cymunedol yw'r llinyn aur sy'n sail i'n gwerthoedd a'n hymddygiad. Rydym yn cefnogi ac yn cofleidio cynhwysiant sy'n galluogi pawb i deimlo eu bod yn cael eu parchu ac yn gallu perfformio ar eu gorau. Trwy ymuno â'n Prifysgol, byddwch yn cael eich hun mewn amgylchedd unigryw lle mae cyfoeth o wybodaeth ac adnoddau ar gael yn rhydd, gan eich cefnogi gyda'ch datblygiad gyrfa.

• Gwyliau blynyddol o 25 diwrnod, sy'n codi i 30 diwrnod ar ôl 1 flynedd o wasanaeth, ynghyd â 12 diwrnod gŵyl banc / consesiynol.
• Aelodaeth o'r Cynllun Pensiwn Llywodraeth Leol gyda chyfraniadau misol hael.
• Polisïau rhagorol sy'n gyfeillgar i deuluoedd - edrychwch ar ein Tudalen Hyb Polisi.
• Cyfleoedd i ddysgu a datblygu eich sgiliau gyda mynediad at gyfleusterau llyfrgell a gwasanaethau digidol.
• Cyfleusterau chwaraeon a ffitrwydd ardderchog gydag aelodaeth â chymhorthdal.
• Mynediad am ddim i deuluoedd i'n darparwr cymorth lles arbenigol annibynnol, Health Assured.

Dyddiad Cau: 13 Aug 2026

Ysgol/Uned:
Proffesiynol a Chymorth

Cyflog: £29,588 to £34,610 y flwyddyn

Parhaol