Culture and Capability Support Officer

Diben y swydd:

Darparu cymorth gweithredu a chydlynu o safon uchel ar gyfer gweithgarwch ym maes dysgu a gallu, gan hwyluso cyflawni effeithiol drwy weinydu cywir, defnyddio offer digidol a darparu cymorth sy’n ymatebol i gwsmeriaid.

Bydd deiliad y swydd yn cefnogi effeithlonrwydd, ansawdd data a’r broses o ddarparu gwasanaethau, gan weithio o dan gyfarwyddyd y Swyddog Gweithredol ac o fewn prosesau sefydledig.

Bydd y Swyddog Cymorth Gallu a Diwylliant yn darparu cymorth ymarferol i'r tîm Gallu a Diwylliant, gan sicrhau bod gweithgarwch dysgu yn cael ei gynnal yn ddidrafferth a bod cofnodion, systemau ac ymholiadau yn cael eu rheoli'n gywir ac yn broffesiynol.

Bydd deiliad y swydd yn defnyddio offer digidol a deallusrwydd artiffisial yn gynyddol, gyda’r nod o wella effeithlonrwydd a chysondeb, a chan barhau i ganolbwyntio ar gymorth cyflawni yn hytrach na gwneud penderfyniadau neu oruchwylio.

Bydd deiliad y swydd hon yn adrodd i'r Swyddog Gweithrediadau Gallu a Diwylliant.

Mae’r sgiliau ieithyddol ar gyfer y swydd hon wedi’u hasesu fel a ganlyn:

• Gwrando: Yn deall trafodaethau a chyfarwyddiadau, hyd yn oed ynglŷn â phynciau anghyfarwydd. (Lefel
  4)
• Siarad: Yn gallu siarad a chymryd rhan mewn trafodaeth am gyfnod hir, yn hyderus a heb anogaeth. (Lefel
  4)
• Darllen
  :
  Yn deall gohebiaeth, erthyglau papur newydd ac adroddiadau wedi'u hanelu at siaradwyr Cymraeg rhugl. (Lefel
  4)
• Ysgrifennu: Yn gallu ysgrifennu gwahanol fathau o destunau mewn arddulliau sy'n briodol i'r darllenydd sydd mewn golwg. (Lefel
  4)

Caiff y sgiliau hyn eu hasesu fel rhan o’r broses ddethol.

I gael rhagor o wybodaeth am y lefelau gallu o ran y Gymraeg,
ewch i'n gwefan.

Mae’r adran hon yn nodi'r profiad a’r sgiliau yr ystyrir eu bod yn hanfodol ar gyfer y swydd hon, a’r rhai yr ystyrir eu bod hefyd yn ddymunol.

• Dylech gyfeirio at y rhain yn eich ffurflen gais.

• Sgiliau gweinyddu a threfnu cryf.
• Lefel uchel o sylw i fanylion a chywirdeb.
• Y gallu i reoli tasgau arferol yn effeithiol a bodloni terfynau amser.
• Hyder wrth ddefnyddio offer a systemau digidol.

Nid yw'r rhinweddau a ganlyn yn hanfodol ar gyfer y swydd benodol hon, ond ystyrir eu bod yn ddymunol. Dim ond os bydd dau (neu ragor) o ymgeiswyr yn cael yr un sgôr am eu cais neu mewn cyfweliad y caiff y rhain eu hystyried.

• Profiad o gefnogi timau dysgu, timau Adnoddau Dynol neu dimau sy’n darparu gwasanaethau.
• Profiad o weithio gyda systemau gweinyddol neu gyllidol.