Spesialis: Kuberveiligheid

Akademia is ʼn Christelike, klassieke en onafhanklike hoëronderwysinstelling wat verbind is tot die uitnemende opleiding en vorming van studente vanuit en vir Afrikaanse taal- en kultuurgemeenskappe. Akademia het tans ʼn pos vir ʼn spesialis:
Kuberveiligheid in die Inligtings- en Kommunikasietegnologie-afdeling beskikbaar. Hierdie pos is in Centurion, Gauteng gesetel.

Die spesialis:
Kuberveiligheid is verantwoordelik daarvoor om die instelling se digitale omgewing te help beskerm deur kuberveiligheidsrisiko’s proaktief te identifiseer, toepaslike beheermaatreëls te beoordeel en te versterk, bedreigings en sekuriteitsgebeurtenisse te moniteer en gekoördineerde reaksie op kuberinsidente te ondersteun. In die rol moet kundige advies verskaf word oor sekuriteitsrisiko’s, beheermaatreëls, stelsel- en tegnologieveranderings en organisatoriese weerbaarheid, sonder om die algemene administratie van IT-infrastruktuur en
-stelsels oor te neem.

• Identifiseer en evalueer kuberveiligheids-risiko’s.

• Moniteer en ondersoek kuberbedreigings deur SIEM- en eindpuntsekuriteitsplatforms, insluitend uitvissing, dataverliesvoorkoming en verdagte stelselaktiwiteit.

• Koördineer en ondersteun kuberveiligheidsinsidentrespons, ondersoeke en toepaslike forensiese bewaring.

• Bied advies rakende sekuriteitsargitektuur.

• Moniteer nakoming van toepaslike inligtingsekuriteitsbeleide, standaarde en wetgewende vereistes.

• Rapporteer periodiek oor kuberveiligheidsrisiko’s, voorvalle, kwesbaarhede, beheermaatreëls en remediëringsvordering.

• Ontwikkel en ondersteuning kuberveiligheidsbewustheids-inisiatiewe vir personeel en relevante gebruikers.

• Verskaf kuberveiligheidsinsette vir interne en eksterne oudits

• toepaslike diploma or graad in Kuberveiligheid, Inligtingstegnologie, Rekenaarwetenskap of ʼn verwante veld (NKR-vlak 6 of hoër)

• CISSP, CISM, Security+, CySA+, CEH of ʼn vergelykbare erkende kuberveiligheidsertifisering (voordelig)

• vier (4) jaar toepaslike ervaring in ʼn hoëronderwysinstelling (voordelig)

• relevante praktiese sertifisering in sekuriteitsmonitering, SIEM, eindpuntsekuriteit (endpoint security), voorvalreaksie (incident response) of wolksekuriteit (cloud security) (voordelig)

• praktiese ervaring met SIEM, eindpuntsekuriteit, kwesbaarheidsbestuur en kuberveiligheidsinsidentreaksie

• ʼn goeie begrip en kundigheid oor stelselsekuriteit

• effektiewe probleemoplossingsvermoë

• sterk kommunikasievermoë

• goeie interpersoonlike- en spanwerkvaardighede

Akademia behou die reg voor om nie ʼn aanstelling te maak nie. Akademia is kragtens die Wet op Hoër Onderwys 75 van 1997 by die Departement van Hoër Onderwys en Opleiding geregistreer (registrasienommer: 2011/HE08/005). Akademia is deel van die Solidariteit Beweging.