Grafiese Ontwerper

Akademia is ʼn Christelike, klassieke en onafhanklike hoëronderwysinstelling wat verbind is tot die uitnemende opleiding en vorming van studente vanuit en vir die Afrikaanse taal- en kultuurgemeenskappe. Akademia het ʼn pos vir ʼn grafiese ontwerper in die Bemarking en Kommunikasie-afdeling beskikbaar. Hierdie pos is in Centurion gesetel.

Die grafiese ontwerper is verantwoordelik vir die ontwikkeling van kreatiewe grafiese ontwerpe wat Akademia se handelsmerk en sekondêre handelsmerke se korporatiewe identiteite (KI’e) handelsmerkposisionering en doelstellings ondersteun.

• ontwikkeling van kreatiewe ontwerpidees saam met die breër span
• skep van grafiese ontwerpe vir multimedia, wat drukmedia, digitale media en video’s insluit
• handhawing van die instelling se korporatiewe identiteit
• hantering van navrae en versoeke wat verband hou met grafiese ontwerpe
• die neem en redigering van foto’s

• ʼn honneurs- of vierjaargraad in grafiese ontwerp, illustrasie of multimedia-ontwerp
• ʼn minimum van vier jaar se ervaring in die skep van grafiese ontwerpe met ontwerpsagteware van Adobe Creative Cloud (Illustrator, InDesign en Photoshop)
• begrip van die verskillende vereistes van ontwerp vir gedrukte en digitale media, die drukproses, inkgebruike en ander afwerkings
• ervaring in ontwerptegnieke
• die uitvoer van ontwerpprojekte vanaf konseptualisering tot die voltooiing van die ontwerp
• ervaring in die skep van gevoelborde (moodboards)
• ervaring in die ontwikkeling van handelsmerke en die skep van animasies (voordelig)

• ʼn sterk aanvoeling vir visuele uitleg en die nuutste tendense daaroor
• doeltreffende kommunikasie- en interpersoonlike vaardighede
• ʼn oog vir detail en akkuraatheid, en doeltreffende uitvoering (onafhanklik en in ʼn span) van ontwerpprojekte
• handhawing van goeie menseverhoudings, sowel as professionaliteit en ʼn positiewe ingesteldheid
• die vermoë om onder druk te werk en te prioritiseer
• kennis van Akademia en die hoëronderwysomgewing in die algemeen