Swyddog Tai​/Housing Officer

Diolch am eich diddordech yn y swydd uchod.

Mae Grŵp Cynefin wedi bod yn darparu tai o ansawdd, sy’n ddiogel a fforddiadwy dros chwe sir gogledd Cymru a gogledd Powys i dros 8,000 o bobl ers 2014.

Rydym yn gweithio’n galed i ddarparu tai a gwasanaethau rhagorol, i gyfrannu i ddatblygiad cymunedau cynaliadwy a gwarchod a hybu’r iaith Gymraeg gyda balchder.

Rydyn ni am gynyddu iechyd a lles ein cymunedau i’r eithaf, creu cyfleoedd i newid bywydau a siapio lleoedd sy’n sicrhau dyfodol cynaliadwy.

Rydym yn chwilio am unigolyn angerddol a gofalgar i ymuno â’n tîm. Byddai profiad gweithredol o ddarparu rheolaeth tai a gwybodaeth neu ddealltwriaeth o'r maes tai cymdeithasol yn fantais, ond yn bwysicaf oll rydym yn chwilio am rywun sydd ag ymrwymiad cryf i gynorthwyo tenantiaid a darparu gwasanaeth rhagorol.

Mae hwn yn gyfle cyffrous i’r person cywir a rhywun sy’n ffynnu mewn amgylchedd prysur ac yn frwdfrydig i wneud gwahaniaeth.

Bydd deilydd y swydd yn g weithredu fel y prif gyswllt i’r Gymdeithas ar gyfer tenantiaid, darpar denantiaid a’r gymuned leol yn gyffredinol gan s icrhau gwasanaeth rheolaeth tai effeithiol fel bo Grŵp Cynefin yn rhagori. Bydd y rol yn cynnwys gosod eiddo yn deg ac yn effeithiol; uchafu incwm rhent y Gymdeithas a delio ag ymddygiad gwrth gymdeithasol.

Rydym yn chwilio am rywun sydd â’r un ysfa a ni i ddarparu cartrefi a lleoedd cynaliadwy lle mae ein cwsmeriaid eisiau byw a dylai eich gwerthoedd adlewyrchu ein gwerthoedd ni.

Os oes gennych yr ysfa a’r angerdd i fod yn allweddol wrth wneud gwahaniaeth i ddyfodol pobl, hon yw’r swydd i chi.

Cyflog: £29,779 - £33,515 y flwyddyn

Lleoliad: Dinbych a gweithio o gartref

Oriau Gweithio: 35 awr yr wythnos

Gwyliau: 30 diwrnod y flwyddyn yn ogystal â’r gwyliaubanc statudol a’r cyfnod rhwng y Nadolig a’r Flwyddyn Newydd

Teithio: Defnyddiwr Car Hanfodol

Pensiwn: Mae Grŵp Cynefin yn cynnig darpariaeth pensiwn trwy Gynllun Social Housing Pension Scheme (SHPS)

Disgrifiad Swydd DS Swyddog Tai 08.26.pdf

JD Housing Officer 08.26.pdf

Buddiannau Pecyn  Benefits

Os oes gennych gymwysterau proffesiynol a’ch bod yn talu ffioedd proffesiynol blynyddol i’ch corff aelodaeth, byddwn yn talu un o’r rhain bob blwyddyn i’ch helpu i aros yn gysylltiedig â’r wybodaeth a’r addysg ddiweddaraf gan eich corff proffesiynol. Rydyn ni hefyd eisiau i’n holl gydweithwyr fwynhau buddion dysgu gydol oes, felly os ydych chi’n gweithio gyda ni byddwn ni’n buddsoddi ynoch chi fel hyn hefyd!

Hysbysiad Preifatrwydd Ymgeisydd  Privacy Notice Job

Canllawiau cwblhau  Guidelines for completing your

Byddwn yn gofyn i'r ymgeisydd llwyddiannus gwblhau gwiriad Sylfaenol gyda rhestrau gwahardd ar gyfer y swydd hon.