Swyddog Gweinyddol, Cymraeg Hanfodol; Dyddiad Cau

Ydych chi'n chwilio am swydd sy’n rhoi cyfle i weithio mewn tîm sy'n ysbrydoli ac yn cefnogi pobl i feddwl am eu gyrfa yn y dyfodol? Rydym yn chwilio am unigolion hyblyg sydd â ffocws ar gwsmeriaid i ymuno â'n tîm a darparu cefnogaeth weinyddol er mwyn ein galluogi ni i ddiwallu anghenion ein cwsmeriaid.

Mae Career Choices Dewis Gyrfa Ltd (CCDG) yn is-gwmni sy'n eiddo llwyr i Lywodraeth Cymru. Rydym yn darparu gwasanaethau cyfarwyddyd gyrfaoedd ac annog hanfodol, annibynnol, diduedd a dwyieithog i bobl o bob oed yng Nghymru, gan gynnwys gwasanaeth Cymru’n Gweithio.

Rhaid i ymgeiswyr ar gyfer y swydd hon fod â sgiliau Cymraeg lefel Ganolradd o leiaf.

Rôl Swydd: Swyddog Gweinyddol

Sylfaen: Canolfan Gyrfaoedd Llanelli

Oriau gwaith: 37 awr yr wythnos, dydd Llun i ddydd Gwener

Graddfa Gyflog: £25,957 - £26,131

Cyflog cychwynnol: £25,957 y flwyddyn.

Dyddiad Cau: Hanner nos ar y 21/10/26.

Bydd gofyn i'r ymgeisydd llwyddiannus ddarparu cymorth gweinyddol a gwasanaetha derbynfa effeithlon ac effeithiol i dîm Cymru’n Gweithio. Fel rhan o'r rhaglen hyfforddi ar gyfer y rôl, bydd yn ofynnol i'r ymgeisydd llwyddiannus ymgymryd â Phrentisiaeth Gweinyddu Busnes Lefel 2, os nad yw'n meddu ar y cymhwyster hwn eisoes.

Rhaid i ymgeiswyr ddangos y canlynol:

• Sgiliau Iaith Gymraeg h.y. y gallu i ddeall a chyfathrebu'n glir ar bynciau bob dydd a phynciau sy'n gysylltiedig â gwaith, cynnal sgyrsiau, ac esbonio syniadau, profiadau a chynlluniau yn hyderus. Dylech hefyd allu darllen cyfathrebiadau gwaith syml ac ysgrifennu negeseuon e-bost neu lythyrau clir, wedi'u strwythuro'n dda er mwyn rhannu gwybodaeth, gwneud ceisiadau neu drefnu gweithgareddau.
• Sgiliau cyfathrebu effeithiol a'r gallu i ddelio ag ymholiadau (ffôn, e-bost ac wyneb yn wyneb) gan aelodau o'r cyhoedd, staff mewnol a rhanddeiliaid allweddol.
• Ymrwymiad i ddangos gwasanaeth cwsmeriaid rhagorol.
• Y gallu i ddelio ag ymholiadau nad ydynt yn arferol lle gallai fod angen trafod a pherswadio
• Sgiliau digidol y gellir eu dangos
• Y gallu i drefnu a blaenoriaethu llwyth gwaith ei hun a gofynion amrywiol o ran terfynau amser
• Y gallu i ddefnyddio crebwyll a barn mewn dyletswyddau o ddydd i ddydd
• Y gallu i weithio fel rhan o dîm

Rydyn ni fel cenedl yn ffynnu pan fyddwn yn hyrwyddo amrywiaeth a chynhwysiant. Mae sefydliadau sydd â gweithlu amrywiol yn gwneud penderfyniadau gwell, yn fwy creadigol, yn gryfach, yn hapusach ar y cyfan, ac wrth gwrs - dyna'r peth iawn i'w wneud!

Rydym yn croesawu ceisiadau gan bobl o bob cefndir ac yn ceisio gwneud ein proses recriwtio a'n gweithle yn gefnogol ac yn hygyrch. Mae ein dull yn cael ei lywio gan y model cymdeithasol o anabledd, sy'n cydnabod y gall pobl fod yn anabl gan y ffordd y mae cymdeithas, gweithleoedd, systemau ac agweddau wedi'u cynllunio - nid gan eu amhariad neu wahaniaeth.

Rhowch wybod i ni os oes angen unrhyw addasiadau rhesymol arnoch yn ystod y broses recriwtio neu ar ôl eich penodi. Byddwn yn gweithio gyda chi i ddeall eich anghenion, ac mae gwybodaeth recriwtio ar gael mewn fformatau amgen ar gais.

Croesewir ceisiadau yn Gymraeg neu Saesneg. Ni fydd cais a wneir yn Gymraeg yn cael ei drin yn llai ffafriol na chais a wneir yn Saesneg.

Bydd y broses ddethol ar ffurf prawf ymchwil/ysgrifenedig a chyfweliad. Bydd yr asesiadau hyn yn cael eu cynnal yn ddigidol drwy Teams; cynhelir y prawf ymchwil/ysgrifenedig ar 06/11/2026, a chynhelir y cyfweliadau ar 09/11/2026 ac ar fore’r 11/11/2026.

I gael rhagor o wybodaeth sicrhewch eich bod yn darllen manyleb lawn y swydd:
Swyddog Gweinyddol

Buddion deniadol gan gynnwys gweithio hyblyg, 31 diwrnod o wyliau blynyddol, cynllun pensiwn cyfrannol a chynllun arian yn ôl sy'n gysylltiedig ag iechyd.

Sylwch nad ydym yn derbyn ceisiadau ar ffurf CV.