Rheolwr Cyfrifoledd Cadwyn Gyflenwi Phrynu Hŷn; Prosiect | Senior Supply Chain and Procurem

Ymgymryd â'r gadwyn gyflenwi a chaffael angenrheidiol i alluogi Trafnidiaeth Cymru (TrC) i fodloni ei ofynion busnes, yn ogystal ag arwain y gwaith o ddatblygu a gweithredu strategaethau caffael a chadwyn gyflenwi sy'n cefnogi cytundeb Seilwaith TrC, gan sicrhau eu bod yn cyd-fynd â gofynion seilwaith, adeiladu, cynnal a chadw a gwasanaethau arbenigol.

• Darparu arweinyddiaeth strategol drwy arwain y gwaith o ddatblygu a gweithredu strategaethau caffael a chadwyn gyflenwi sy'n cefnogi cytundeb seilwaith TrC, gan sicrhau eu bod yn cyd-fynd â gofynion seilwaith, adeiladu, cynnal a chadw a gwasanaethau arbenigol.
• Dylunio a darparu fframweithiau caffael pwrpasol drwy weithio ar draws nifer o gategorïau, gan gynnwys adnewyddu, cynnal a chadw adweithiol, dylunio, llafur, deunyddiau, peiriannau a darnau sbâr strategol i sicrhau bod fframweithiau'n cydymffurfio â rheoliadau caffael cyhoeddus a llywodraethu TrC.
• Bod yn atebol am ymgysylltu â'r farchnad a datblygu cyflenwyr drwy gynnal gweithgareddau ymgysylltu â'r farchnad strwythuredig a nodi cyfleoedd ar gyfer cynnwys busnesau bach a chanolig, arloesi a chreu gwerth, er mwyn adeiladu cadwyni cyflenwi cadarn, amrywiol a chymdeithasol gyfrifol.
• Bod yn atebol am congtractau a chyflawniadau masnachol drwy arwain y gwaith o ddrafftio, negodi a gweithredu contractau cymhleth ar y cyd â thimau cyfreithiol, technegol, masnachol a gweithredol i sicrhau bod contractau'n darparu gwerth am arian, yn lliniaru risg, ac yn gwreiddio trefniadau rheoli perfformiad.
• Arwain y gwaith trawsnewid a newyddu drwy gefnogi'r newid o hen drefniadau, gan gynnwys adnewyddu contractau i sicrhau parhad y gwasanaeth a'i fod yn cyd-fynd ag amcanion masnachol a gweithredol TrC.
• Arwain ar berfformiad a'r gwaith rheoli risg drwy adolygu metrigau perfformiad cyflenwyr i sicrhau bod Dangosyddion Perfformiad Allweddol, Cytundebau Lefel Gwasanaeth ac ymrwymiadau gwerth cymdeithasol yn cael eu gwreiddio yn y gofynion a'r gwaith parhaus o reoli risg cyflenwyr.
• Darparu cyngor masnachol arbenigol i dimau prosiect ac uwch randdeiliaid drwy gydweithio ar draws adrannau i sicrhau dull cydgysylltiedig o ddatblygu a chyflawni strategaeth.
• Bod yn gyfrifol am gydymffurfiaeth a llywodraethu drwy gynnal dogfennau sy'n barod i'w harchwilio, a chefnogi gofynion adrodd mewnol ac allanol i sicrhau bod yr holl weithgareddau cadwyn gyflenwi a chaffael yn cydymffurfio â deddfwriaeth berthnasol, gan gynnwys y Ddeddf Caffael, polisïau TrC, a safonau moesegol.

• Cymhwyster proffesiynol perthnasol, er enghraifft gradd berthnasol, MCIPS neu gyfwerth mewn Rheoli Masnachol neu Gaffael, neu brofiad perthnasol amlwg.
• Profiad amlwg o reoli ac ymgymryd â gweithgareddau caffael yn y sector cyhoeddus, gan gynnwys gweithgareddau o dan Ddeddf Caffael newydd 2023, neu brofiad blaenorol o dan Reoliadau Contractau Cyhoeddus a Chyfleustodau.
• Profiad o gynnal digwyddiadau caffael ar gyfer amrywiaeth o ofynion a bod yn gyfrifol am brosesau caffael mewn amgylchedd sy'n symud yn gyflym gyda disgwyliadau heriol gan randdeiliaid.
• Profiad amlwg o weithio mewn swydd fasnachol/rheoli cysylltiadau.
• Profiad yn y sector Seilwaith, Trafnidiaeth neu Adeiladu
• Hanes llwyddiannus o gyflawni prosiectau mewn amgylchedd cymhleth.

Er nad yw sgiliau Cymraeg yn hanfodol ar gyfer y swydd hon, byddent yn ychwanegiad gwych at eich cais.

Mae TrC yn cefnogi unrhyw un sydd eisiau dysgu Cymraeg neu wella ei sgiliau. Rydyn ni'n cynnig cyfleoedd dysgu ar-lein, cyrsiau ystafell ddosbarth, a chyllid i fynd ar gyrsiau yn y gymuned leol.

Rydyn ni'n newid y ffordd y mae'r diwydiant trafnidiaeth yn edrych. Drwy ddathlu a chroesawu gwahaniaethau, rydyn ni'n datblygu gweithlu sy'n cynrychioli Cymru. Mae angen i ni gael pobl ddawnus o bob cefndir a diwylliant i ddod i rannu eu safbwyntiau a'u profiadau. Mae timau amrywiol yn gwneud penderfyniadau gwell ac yn sbarduno arloesedd. Ymunwch â ni i drawsnewid y ffordd y mae Cymru'n teithio.

Mae Trafnidiaeth Cymru yn newid y ffordd y mae Cymru'n teithio, gan sicrhau mai trafnidiaeth gynaliadwy yw'r dewis…