Collections Project Officer

Fel rhan o'r tîm Casgliadau yn y Ganolfan Gasgliadau Genedlaethol, byddwch yn cyfrannu at drin, glanhau, asesu a chofnodi gwrthrychau’r casgliadau yn ddiogel.

Bydd deiliad y swydd yn gweithio fel rhan o dîm sy'n gyfrifol am wella cyflwr a hygyrchedd y casgliadau a gedwir yn y Ganolfan Gasgliadau Genedlaethol. Bydd y rôl yn cynnwys ymgymryd â gweithgareddau glanhau a gofal casgliadau ymarferol, nodi peryglon yn y casgliadau, cadw cofnodion project a sicrhau ein bod yn cydymffurfio â’r gweithdrefnau iechyd a diogelwch perthnasol.

Mae hwn yn cyfle ardderchog ar lefel mynediad i unigolion sy’n chwilio am ragor o brofiad o drin gwrthrychau a gofalu am gasgliadau.

Rôl sydd wedi’i lleoli ar y safle yw hon ac mae’n ofynnol ichi fod ar y safle am bum diwrnod, yn hyblyg rhwng 7:30 a 17:00. Cewch eich lleoli’n bennaf yn y Ganolfan Gasgliadau yn Nantgarw. Y Ganolfan Gasgliadau Genedlaethol yw cyfleuster storio Amgueddfa Cymru. Fe'i hagorwyd 27 mlynedd yn ôl mewn cyfleuster warws ar Ystâd Ddiwydiannol Nantgarw. Mae'r Ganolfan Gasgliadau Genedlaethol yn Nantgarw yn storio miloedd o wrthrychau diddorol nad ydyn nhw’n cael eu harddangos.

Nid yw'n agored i'r cyhoedd, ond darperir mynediad i grwpiau ar gais.