Play Leader, Gaelic, Sgoil Araich Shiaboist CNS

ADVERT:

Stiùiriche Cluiche, Foghlam tro Mheadhan na Gàidhlig, Sgoil-àraich Shiaboist (4863)
34.5 uair gach seachdain, tron teirm, 31/03/2027
£29,349 - £31,711 gach bliadhna, a’ gabhail a-steach £2,415 Cuibhreann Eileanan Iomallach gach bliadhna.

Bidh an neach a shoirbhicheas a’ dealbh curraicealaim a bheir taic agus stiùireadh a thaobh ionnsachadh iomlan agus adhartas chloinne. Dealbhaidh agus cuiridh tu air dòigh seiseanan cluiche a bhios freagarrachd do dh’fheumalachdan gach pàiste. Gabhaidh tu àite a’ mhanaidseir nuair a bhios sin feumail.

Bidh an obair a’ gabhail a-steach co-obrachadh leis a’ Mhanaidsear agus Prìomh-Luchd-obrach na Sgoil-àraich gus clàr-obrach làitheil, seachdaine agus teirmeil a chur air dòigh a tha freagarrach do ìre adhartais gach pàiste; a’ toirt bheachdan , a’ dèanamh mheasaidhean agus a’ clàradh fiosrachaidh mu chloinn agus gnìomhan cluiche gus dèanamh cìnnteach gu bheil iad a-rèir feumalachdan ionnsachaidh agus adhartais nam pàistean;

a’ cumail chlàir de làthaireachd agus feumalachdan pearsanta na cloinne; agus a bhith furachail a thaobh clann a bhith air an togail gu sàbhailte aig deireadh gach latha, le neach aig a bheil cead.

Tha e riatanach gum bi eòlas agus tuigse agad air Curraicealam Sàr-mhaitheis, Am Ro-bhreith gu Trì, Togail Ard-amas, Dè cho math sa tha ar Tràth-ionnsachadh & Cùram Chloinne agus Irèan Cùraim Nàiseanta. Feumaidh eòlas dearbhte a bhith agad air a bhith ag obair le clann òga san teaghlaichean ann an àrainneachd thràth-bhliadhnaichean agus teisteanas a tha freagairt air na tha Comhairle Sheirbheisean Sòisealta Alba a’ dùileachadh bho luchd-obrach.

Feumaidh tu bhith comasach air curricealam a dhealbh sa lìbhrigeadh ann an geàrr-ùine, meadhan-ùine agus san ùine fhada.

Tha comas labhairt agus leughaidh Gàidhlig riatanach.

Feumaidh tu ballrachd de Sgeama Dìon Bhuidhnean So-leònta (PVG) a thaobh a bhith an sàs ann an obair riaghlaichte le clann san dreuchd seo. (Protecting Vulnerable Groups (PVG) scheme - mygov.scot).

Thèid agallaibhean a chumail air beulaibh dhaoine, a’ toirt cothroim do thagraichean coinneachadh ris an sgioba agus beachd fhaighinn air an àrainneachd obrach.

Ceann-latha:
Diluain 5 Dàmhair 2026

Tha tuartastal na dreuchd seo a’ gabhail a-steach Cuibhreann Eileanan Iomallach. Thèid an neach fhastadh air a’ chiad ìre den rang.

Bithibh mothachail nach eile pàirt-phàigheadh ri fhaotainn, no air a thabhann, airson na h-obrach seo.

Dèan cinnteach gum fosgail agus gun leugh thu gach bileag a tha an cois an t-sanais seo mus lìon thu a’ bhileag tagraidh.

Mìnichidh Notaichean Stiùiridh do Luchd-tagraidh am pròiseas fastaidh againn agus mar bu chòir am fiosrachadh as deatamaiche a lìonadh a-steach san tagradh gus an am bi deagh chothrom agad do sgilean agus d’ eòlas a thaisbeanadh.

Feumar an Cunntas Obrach agus an Sònrachadh Pearsanta a leughadh gus an earrann mu ‘Eòlas’ den tagradh a lìonadh. Bu chòir dhut a dhol a rèir an t-Sònrachaidh Phearsanta gus cunntas mionaideach a thoirt air mar a tha thu a’ coileanadh gach puing agus eisimpleirean a thoirt seachad mar dhearbhadh.

Dèan leth-bhreac agus sàbhail an cunntas obrach, an sònrachadh pearsanta agus bileag sam bith eile bhon t-sanas oir cha tèid agad air am faotainn aon uair agus gun tèid am fiosrachadh mun obair a thoirt sìos.

Faodar Goireasan Tuigse Innealta (AI) a leithid Copilot agus ChatGPT a chleachdadh gus do chuideachadh a’ deasachadh tagraidh, mar eisimpleir airson beachdan a thional no gràmar no litreachadh a cheartachadh. Ach, ’s e d’ obair fhèin a dh’fheumas a bhith ann am fiosrachadh sam bith a thèid dhan tagradh a thaobh d’ eòlais, sgilean agus comais, d’ fhiosrachaidh, do theisteanasan agus na choilean thu.

’S mathaid nach tèid gabhail ri tagraidhean a…