Intern Caffael

Lefel o allu'n y Gymraeg sy'n angenrheidiol?

Ydych chi'n chwilio am swydd sy'n mynd i roi boddhad i chi a'ch herio a lle mae eich gwaith yn wirioneddol bwysig?

Ydych chi am fod yn rhan o dîm anhygoel o bobl, sy'n gwneud gwahaniaeth i'n cymunedau?

Os hynny, efallai mai interniaeth â thâl gyda Heddlu Dyfed Powys yw'r lle i chi ddechrau eich gyrfa.

Cydnabyddir a rheolir caffael fel swyddogaeth strategol sy’n trefnu ac yn deall gwariant. Mae’n dylanwadu ar gynllunio cynnar a chynllunio gwasanaethau, ac yn rhan o benderfyniadau i gefnogi cyflenwi amcanion cyffredinol.

Mae caffel yn rhoi cyngor strategol i’r sefydliad mewn perthynas â Chytundebau Trydydd Parti ac yn ymgymryd â’r holl brosesau caffael strategol ar gyfer HDP a SCHTh sy’n fwy na £25,000 mewn gwerth.

Rydym yn darparu procesau masnachol Caffael proffesiynol sy’n cefnogi amcanion Cynllun Heddlu a Throseddu Dyfed-Powys a blaenoriaethau strategol yr Heddlu, mewn cydymffurfiaeth â’r fframwaith deddfwriaethol a rheoleiddiol. Mae gan yr adran gaffael bortffolio sy’n cwmpasu sawl categori, gan gynnwys Dalfeydd, Lifrai, TGCh (Cymorth, Rhwydwaith a Phrosiectau), Ystadau (Eiddo, Rheoli Cyfleusterau Caled a Meddal) , Gweithredol - Lifrai/Yr Adran Ymchwilio i Droseddau, Proffesiynol (Corfforaethol), Gwasanaethau Dioddefwyr (Gwaith Fforensig a Gwasanaethau a Gomisiynir), Fflyd, Gwasanaethau Iechyd.

Rydyn ni’n gweithio ar sail leol, ranbarthol a chenedlaethol sy’n galluogi’r tîm i gydweithio â heddluoedd a sefydliadau eraill sy’n cefnogi gofynion gweithrediadau rheng flaen.

Mae cymorth caffael Cylch Oes Masnachol yn cefnogi Rheoli Cytundebau, Caffael a Chyn-gytundeb. Mae caffael hefyd yn hwyluso’r ystyriaeth o Gynaliadwyedd, Perygl, Rheoli Gwybodaeth a Diogelwch wrth ymdrin â Chyflenwyr Trydydd Parti.

Rydym yn dîm o bedwar gweithiwr caffael proffesiynol sy’n gweithio ar sail ystwyth ond sydd hefyd yn gweithio o fewn y swyddfa i sicrhau y darperir cymorth tîm. Mae cyfle i fod yn rhan o raglenni caffael ar draws plismona sy’n galluogi cydweithio ac yn darparu datrysiadau ar gyfer plismona yn genedlaethol. Fel rhan o’r swydd hon, rydym yn edrych am rywun i hybu cynaliadwyedd a datgarboneiddio mewn prosesau caffael ar gyfer nwyddau a gwasanaethau.

Cyflog y swyddi hyn yw £27,204 a hynny am gyfnod penodol o 12 mis, i ddechrau ym mis Medi 2027.

Er mwyn bod yn gymwys ar gyfer Rhaglen Interniaeth Heddlu Dyfed Powys:

Rhaid i chi fod yn astudio ar gwrs gradd ar hyn o bryd neu wedi graddio o fewn y 12 mis diwethaf

Mae’n rhaid eich bod wedi byw yn y DU am bum mlynedd barhaus yn y cyfnod yn union cyn ymgeisio. Mae’r cyfnod bum mlynedd yn cael ei gyfrif o’r cyfnod yn union cyn y gwneir cais.

Heddlu Dyfed Powys yw'r ardal heddlu fwyaf yng Nghymru a Lloegr yn ddaearyddol. Mae'n cwmpasu 4,188 milltir sgwâr dros y pedair sir, sef Sir Gaerfyrddin, Ceredigion, Sir Benfro a Phowys. Rydym yn ymfalchïo yn y ffaith mai hon yw un o'r ardaloedd mwyaf diogel i fyw a gweithio ynddi yn y DU, a gellir dadlau mai hon hefyd yw'r fwyaf deniadol.

Mae ein hinterniaethau yn rhoi cyfle i israddedigion gael eu cyflogi gan Heddlu Dyfed Powys. Maent wedi'u cynllunio i roi cipolwg anhygoel i chi o sut rydym yn gweithio. Dyma gyfle i chi roi eich gwybodaeth academaidd ar brawf mewn lleoliad ymarferol a phroffesiynol lle byddwch yn cael profiad gwaith a hyfforddiant gwerthfawr. Gallwn eich sicrhau y byddwch yn cael eich cefnogi gydol eich interniaeth gan dîm arbenigol a fydd yn eich annog i gyflawni eich potensial.

Rydym yn chwilio am fyfyrwyr brwdfrydig sydd am ennill sgiliau cyflogadwyedd rhagorol ochr yn ochr â'u hastudiaethau gradd. Rydym am benodi interniaid sy'n llawn syniadau arloesol, sydd…